今次的確係見多咗三千蚊消費券手痕, 同埋見有16G+1T去小米牛腩店淘咗部紅米note 12 turbo(消費券當然不能用在淘手機), 人仔2599, 約三千港幣.
用開poco x3 pro 8G+256G 只年半貨仔其實夠用亦舒服, ROM亦只消費了一半左右, 但通關返過兩次大陸後覺得只有一部手機都幾麻煩........ 一個唔小心跌咗瓜咗, 冇黑碼出入境, 撘唔到地鐡巴士打車,買唔到嘢食隨街乞都收唔到錢..真係唔知點算好...
今次點解唔買香港行機呢, 理由好簡單, 香港小米行機三千元黎講根本冇可能買到8+256以上, 要買到16+1可能要兩年后.
不過用大陸機的確幾多煩惱, 要自己裝哂所有GOOGLE嘢, 發現好多用開既嘢原來(幸福)唔係必然, 簡單如GBOARD輸入法都要自己裝. 另外再加埋要裝返所有用開既APPS同手機銀行認證( 中銀果個玩極都鬧, 攪到要打咗十次電話等咗大半個鐘先搵到客服REG返流動保安編碼), 攪咗大半日終於完工.
白色機身比照片靚
手機跟黎有CASE不用買, 玩落又輕又算薄, 67W 快充夠強. 16G RAM同1T ROM拍得住IPHONE, 皆因我對速度冇乜感覺, 唔駛點等已好滿意, 今次畀90分.
1024G, 唔多影相同拍片既我, 幾時先可以用哂呢?
沒有留言:
發佈留言